පද්මේගේ පිස්තෝල අවියක්, උණ්ඩ 267ක්, උණ්ඩ ගැබ් 2ක් සොයාගනියි

අපරාධ පරීක්ෂණ දෙපාර්තමේන්තුවේ වාණිජ අපරාධ විමර්ශන අංශයේ නිලධාරින් විසින් සැකකරුගෙන් සිදු කළ ප්‍රශ්න කිරීමේදී සැකකරුට අයත් ගිනි අවියක් ඇතුළු දේපල දැනට විදෙස් ගතව සිටින තවත් සංවිධානාත්මක අපරාධකරුවෙකු භාරයේ මෙරට සඟවා ඇති බවට අනාවරණය වී ඇත. 

ඒ අනුව එම නිලධාරින් විසින් විශේෂ කාර්ය බලකා කැලණිය කඳවුරේ නිලධාරින්ගේ ද සහය ඇතිව එ‍ඩේරමුල්ල සිට කොළඹ නුවර මාර්ගය දක්වා ඇති අතුරු මාර්ගයේ පිහිටි තාවකාලිකව ඉදිකල කාමරයක් පරීක්ෂා කර එහි සඟවා තිබූ විදෙස් රටක නිෂ්පාදිත පිස්තෝල අවියක්, ටී 56 අවි සඳහා යොදන පතොරොම් ගැබ් 02 ක්, ටී 56 වර්ගයේ ජීව පතොරොම් 267 ක් පොලිස් භාරයට ගෙන ඇත. අපරාධ පරීක්ෂණ දෙපාර්තමේන්තුව  මගින් වැඩිදුර විමර්ශන සිදු කරනු ලබයි