නෙතන්යාහු රහසේම අරාබි ඒමීරයට ඇවිත්

ඊශ්‍රායල අගමැති බෙන්ජමින් නෙතන්යාහු ඉරිදා එක්සත් අරාබි එමීර් රාජ්‍යයට ගොස් එරට ජනාධිපති ෂෙයික් මොහොමඩ් බින් සයිඩ් හමුවූ බව දෙරට සඳුදා තහවුරු කළේය.

මෙම සංචාරය පිළිබඳව ඊශ්‍රායල මූලාශ්‍රයක් ඉරිදා CNN වෙත පැවසුවේ රහස් රැස්වීමේදි මූලිකවම ඉරානය පිළිබඳ සාකච්ඡා කළ බවයි.  එය වත්මන් ඉරාන යුද්ධය අතරතුර ඇතුළුව දෙරට අතර සහයෝගීතාව ගැඹුරු කර ඇති ක්ෂේත්‍රයකි.

එක්සත් අරාබි එමීර් රාජ්‍යයේ රාජ්‍ය ප්‍රවෘත්ති ඒජන්සිය වන WAM, ෂෙයික් මොහොමඩ් සහ නෙතන්යාහු ඉරිදා එරටදී රැස්වීමක් පැවැත්වූ බව තහවුරු කළේය.

නායකයින් දෙදෙනා “එක්සත් අරාබි එමීර් රාජ්‍යය සහ ඊශ්‍රායලය අතර ද්විපාර්ශ්වික සබඳතා සහ ඒවා ශක්තිමත් කිරීමට සහ තවදුරටත් සංවර්ධනය කිරීමට ක්‍රම සාකච්ඡා කළහ” යනුවෙන් WAM වාර්තා කළේය.

ඊශ්‍රායල අගමැති කාර්යාලය පැවසුවේ “දෙරට අතර සබඳතා ශක්තිමත් කිරීම සහ කලාපීය අභියෝග” කෙරෙහි මෙම රැස්වීම අවධානය යොමු කළ බවයි.

මෙම සංචාරයට නෙතන්යාහුගේ බිරිඳ, ජාතික ආරක්ෂක කවුන්සිලයේ ප්‍රධානියා, මොසාඩ් ප්‍රධානියා, හමුදා ලේකම්වරයෙකු සහ දේශපාලන උපදේශකයෙකු ඇතුළත් වූ බව කාර්යාලය පැවසීය.