නීතිපති උපදෙස් පිළිපදින්නැයි CIDයට පොලිස්පතිගෙන් උපදෙස්

අරලියගහ මන්දිරය ඉදිරිපිට හා ගාලුමුවදොර  ජනාධිපති ලේකම් කාර්යාලය ඉදිරිපිට පැවති විරෝධතාවයට පහර දීමට අදාලව  නීතිපතිවරයා විසින් ලබා දී ඇති උපදෙස් අනුව කටයුතු කරන ලෙසට පොලිස්පති සී ඩී වික්‍රමරත්න මහතා අපරාධ පරීක්ෂණ දෙපාර්තමේන්තුවට උපදෙස් ලබා දී තිබේ.

එම සිදුවීම සම්බන්ධයෙන් හදුනාගෙන ඇති  සැකකරුවන් 22 දෙනා  මෙම අපරාධවලට සම්බන්ධ බවට  සාධාරණ සැකයක් ජනිත වන්නේ ද  යන්න තවදුරටත් විමර්ශන කරන ලෙසට උපදෙස් ලබා දී ඇති බවද  පොලිස් මුලස්ථානය පවසයි.

මේ සම්බන්ධයෙන් තවදුරටත් විමර්ශනය කර ප්‍රගතිය නීතිපතිවරයා වෙත  වාර්තා කරන ලෙසට ද  වැඩිදුරටත් උපදෙස් ලබා දී තිබේ