නිවසේ තනිව සිටි කාන්තාවකගේ සිරුර ගමන් බෑගයකින් හමුවෙයි

සීදූව පොලිස් වසමේ මූකලන්ගමුව ප්‍රදේශයේ නිවසකින් දුර්ගන්ධයක් හමන බවට දී සීදූව පොලිස් ස්ථානයට ලද තොරතුරක් මත විමර්ශන ආරම්භ කර ඇත.ඒ අනුව එම නිවස පරීක්ෂා කිරීමේදී නිදන කාමරයක තබා තිබූ ගමන් බෑගයක් තුළ කාන්තා මළ සිරුරක් ඇති බවට නිරීක්ෂණය වී ඇත. 

මරණකාරිය අවුරුදු 79 ක් වූ මූකලන්ගමුව, සීදූව ප්‍රදේශයේ පදිංචිකාරියකි. මරණකාරිය එම නිවසේ තනිව පදිංචිව සිට ඇති අතර නිවසේ සවිකර තිබූ සීසීටීවී කැමරා ගලවා ඉවත් කර ඇති බවත්, දුරකථන රැහැන් කපා ඇති බවත්, දැනට සිදුකරන ලද විමර්ශනයේදී අනාවරණය වී ඇත. 

2026.05.21 දින මහේස්ත්‍රාත් පරීක්ෂණය හා පශ්චාත් මරණ පරීක්ෂණය සිදුකිරීමට නියමිතයි. සැකකරුවන් අත්අඩංගුවට ගැනීම සඳහා සීදූව පොලිසිය විසින් වැඩිදුර විමර්ශන සිදු කරනු ලබයි.