නැගෙනහිර පර්යන්තය බාහිර පාර්ශ්වයකට දෙන්නේ නෑ

ඉදිවෙමින් පවතින වරාය නැගෙනහිර පර්යන්තයේ හදිසි නිරීක්ෂණ චාරිකාවකට පසුගියදා ප්‍රවාහන , මහාමාර්ග වරාය සහ සිවිල් ගුවන්සේවා අමාත්‍ය බිමල් රත්නායක මහතා සහ නියෝජ්‍ය අමාත්‍ය ජනිත රුවන් කොඩිතුවක්කු මහතා සහභාගී වී ඇත.

එහිදී ව්‍යාපෘතියේ ප්‍රගතිය පිළිබඳ විමසා බැලු අමාත්‍යවරයා මේ වසර ඇතුළත දී නැගෙනහිර පර්යන්තයේ 50% ක මෙහෙයුම් කටයුතු සිදුකිරීමට ඇති හැකියාව සහ කඩිනමින් ව්‍යාපෘතිය සම්පූර්ණයෙන්ම නිමකිරීමේ අවශ්‍යතාව මතුකර සිටියේ ය.

 2014 සිට 2022 වසර දක්වා කිසිඳු ඉදිකිරීමක් සිදුනොකළ නැගෙනහිර බහාලුම් පර්යන්තයේ ඉදිකිරීම් කටයුතු 2022 සිට ඉබිගමනේ සිදු වූ බවත් වත්මන් රජය බලයට පත්වූ පසු ව්‍යාපෘතියේ සැළකියයුතු ප්‍රගතියක් අත්කරගෙන ඇතිබවත් එය තවදුරටත් වේගවත් කළ යුතු බවත් පැවසූ ඇමතිවරයා නැගෙනහිර පර්යන්නය(ECT) වරාය සේවකයින් විසින් දිනාගත් සම්පතක් බවත් එය කිසිඳු ආකාරයකින් වෙනත් පාර්ෂවයකට ලබානොදෙන බවත් ශ්‍රී ලංකා වරාය අධිකාරීයේ  යටතේ  වඩාත් කාර්‍යක්ෂම සහ නවීන කළමනාකරණ ව්‍යුහයකින් යුක්තව පවත්වාගෙන යාමට කටයුතු කරන ලෙසටත්  උපදෙස් ලබාදුන්නේ ය.

වරාය අධිකාරියේ සභාපති, උප සභාපති, කළමනාකාර අධ්‍යක්ෂ,  ව්‍යාපෘති නිලධාරීන් ඇතුලු පිරිසක් මෙම අවස්ථාවට සහභාගී ව්ය.