දුමින්ද දිසානායක අත්අඩංගුවට

ගිනිඅවිය සන්තකයේ තබා ගැනීම සම්බන්ධයෙන් ගල්කිස්ස මහේස්ත්‍රාත් අධිකරණය වෙත ඉදිරිපත් කර පැය 48 ක කාලයකට රැඳවුම් නියෝග ලබාගත් සැකකාරියන් දෙදෙනාගෙන් ප්‍රශ්න කිරීමේදී අනාවරණය වූ තොරතුරු අනුව මෙම සැකකරු අත්අඩංගුවට ගෙන ඇත.

වසර 11ක පමණ කාලයක් මෙම කෝකියා අදාළ දේශපාලඥයා යටතේ කෝකියෙකු ලෙස කටයුතු කර තිබූ අතර එම පුද්ගලයාට, මීට මාස හයකට පමණ ඉහතදී එම දේශපාලඥයා බෑගයක් ලබා දී, එය ඔහුගේ හිතවතියෙකු වූ හැව්ලොක් සිටි,එළි බෑන්ක් ටවර්හි පදිංචි කාන්තාවකට ලබා දෙන ලෙස කරන ලද දැනුම් දීම මත, තමා එය ලබා දුන් බවට සැකකරුගෙන් ප්‍රශ්න කිරීමේදී අනාවරණය වූ බව උසස් පොලිස් නිලධාරියෙක් පැවසීය.

ඉකුත් 20වෙනි දින ප්‍රධාන සැකකාරිය ඇයගේ කසකස්ථාන ලේලිය සමග බීඑම් ඩබ්ලිව් වර්ගයේ මෝටර් රථයෙන් බැස මෙම ගිනිඅවිය අත දරාගෙන ආරක්ෂක නිලධාරීන් ඉදිරියට පැමිණෙන තිබූ බව පොලීසිය කියයි.

මහල් නිවාසයේ ආරක්ෂක නිලධාරියා විශ්‍රාමක යුද්ධ හමුදා සෙබළෙකු වන අතර, ඔහු විසින් කාන්තාවගෙන් ඒ පිළිබඳ විමසීමේදී එය සෙල්ලම් ගිනිඅවියක් බවට ප්‍රකාශ කර ඇත.

අත්අඩංගුවට ගත් සැකකරු ගල්කිස්ස අධිකරණය වෙත ඉදිරිපත් කර පැය 48 කාලයකට රැඳවුම් නියෝග ලබා ලබාගෙන ප්‍රශ්න කිරීමට නියමිතය.

වැල්ලවත්ත පොලීසියේ ස්ථානාධිපති ප්‍රධාන පොලිස් පරීක්ෂක සුභාෂ් කහදවල මහතාගේ උපදෙස් මත අපරාධ විමර්ශන අංශයේ ස්ථානාධිපති උපපොලිස් පරීක්ෂක හේෂාන් කුමාර මහතා ඇතුළු කණ්ඩායමක් විමර්ශන පවත්වයි.