දකුණු පළාතේ දිනකට බස් ගමන් වාර 13000ක් ප්‍රමාදයි

දකුණු පළාත් මාර්ගස්ථ මගි ප්‍රවාහන අධිකාරියේ GPS තාක්ෂණය  බස්  සේවා කළමණාකරණය සදහා  යොදා ගැනිම සම්බන්දයෙන් වු  ව්‍යාපෘති වාර්තාව අනුව  සෑම ගමන්වාරයකම  අවම වශයෙන් විනාඩි 05 බැගින් දිනකට ගමන්වාර 13,000ක් ප්‍රමාද වන  බව අනාවරණය වි ඇති බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන් වේ.

ඒ අනුව  දිනකට ගමන්වාර 13,000ක් ප්‍රමාද විමෙන්  වසරකදි දකුණු පළාතට  විනාඩි 3,250,000ක්  අහිමිවන බව මෙකි වාර්තාවේ සදහන් වේ. ඒ අනුව ප්‍රමාදවන ගමන්වාරයක් සදහා  1996 අංක 02 දරණ දකුණු පළාත්  මාර්ගස්ථ මගි ප්‍රවාහන  අධිකාරිය පිළිබද  ප්‍රඥප්තිය ප්‍රකාරව  දඩ මුදලක් අයකළේ නම් අවම වශයෙන්  රුපියල් මිලියන 949ක  දඩ මුදලක්  අයකරගත හැකිව තිබු බවද විගණන වාර්තාවේ සදහන් වේ. ප්‍රමාද ගාස්තු ලෙස  2024 වර්ෂය තුල අයකරගෙන ඇත්තේ  රුපියල් 3,343,893 කි.

 සියලුම ගමන්වාර ප්‍රමාද කිරිම සදහා  දඩ අයකිරිම  ප්‍රා යෝගිකව අපහසු බව  හා   තාක්ෂණය යොදාගෙන  ගමන්වාර ප්‍රමාද වැළැක්විමට කටයුතු කිරිම  මෙම ව්‍යාපෘතියේ අරමුණ බව දකුණු පළාත් සභාවේ ප්‍රධාන ලේකම්වරයා විසින් විගණනයට සදහන් කොට ඇත.
 දකුණු පළාත් සභාව සම්බන්දයෙන් 2024 වර්ෂයට අදාළව නිකුත්කොට ඇති  විගණන වාර්තාවේ  මෙම තොරතුරු ඇතුළත්ව  ඇත.