ජාත්‍යන්තර මිලට අනුව ලංකාවේ ඉන්ධන මිල ගැලපිය යුතුයි
මැදපෙරදිග යුද්ධයේ කාලසීමාව හා තීව්‍රතාවය, ගෝලීය වෙළඳ ප්‍රතිපත්තිය සහ එල් නිනෝවේ බලපෑම පිළිබඳ අවිනිශ්චිතතාවයෙන්
ශ්‍රී ලංකාව තවමත් අවාසි අවදානම් වලට මුහුණ දෙමින් සිටින බව ජාත්‍යන්තර මූල්‍ය අරමුදල පවසයි.
කම්පන සහගත පරිසරයක සාර්ව ආර්ථික ස්ථාවරත්වය ආරක්ෂා කිරීම සඳහා, ජාතයන්තර මූල්‍ය අරමුදල සමග ක්‍රියාත්මක වැඩසටහනේ
දැඩි ලෙස දිනාගත් වාසි ආරක්ෂා කිරීම සඳහා විචක්ෂණශීලී ප්‍රතිපත්ති සහ නිර්භීත ප්‍රතිසංස්කරණ අඛණ්ඩව පවත්වාගෙන යාම
අවශ්‍ය බවද අරමුදල ඳසහන් කරයි.
දිගුකාලීන මැදපෙරදිග යුද්ධයකට ප්‍රතිචාර වශයෙන්, අවදානමට ලක්විය හැකි අය ආරක්ෂා කරන අතරම, ජාත්‍යන්තර ඉන්ධන
මිල චලනයන්ට අනුකූලව දේශීය ඉන්ධන මිල ගණන් සකස් කිරීමට සහ පිරිවැය-ප්‍රතිසාධන බලශක්ති මිලකරණය ආරක්ෂා
කිරීමට රජය කටයුතු කළ යුත බවද ජාත්‍යන්තර මූල්‍ය අරමුදල නිකුත් කළ නිවේදනයේ දැක්වෙයි.
පුළුල් ප්‍රතිසංස්කරණ න්‍යාය පත්‍රයේ ගමන් මගෙහි රැඳී සිටීම ස්ථාවරත්වය තහවුරු කර ගැනීමට සහ තිරසාර ලෙස වර්ධනය
ඉහළ නැංවීමට ඉතා වැදගත් වේ. මහජන විශ්වාසය වැඩි දියුණු කිරීම සඳහා දූෂණ විරෝධී නීති සම්පාදන රාමුවේ අඛණ්ඩතාව ආරක්ෂා කිරීම ඉතා වැදගත් බවත් ශක්තිමත් සහ සියලු දෙනා ඇතුළත් වර්ධනයක් ලබා දීම සඳහා වෙළඳාම ලිහිල් කිරීම, ව්‍යාපාර සහ කම්කරු රෙගුලාසි නවීකරණය කිරීම, මූල්‍ය සඳහා ප්‍රවේශය පුළුල් කිරීම, ඩිජිටල් පොදු යටිතල පහසුකම් දියුණු කිරීම සහ යටිතල පහසුකම්
හිඩැස් වසා දැමීම මගින් සක්‍රීය පරිසරයක් නිර්මාණය කිරීම අවශ්‍ය බවද එම ආයතනය පෙන්වා දෙයි.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
