ඡන්දයෙන් තේරුණු මන්ත්‍රීවරුන්ගේ නම් ගැසට් කරයි

මෙවර පාර්ලිමේන්තු මැතිවරණයෙන් ජයගෙන පාර්ලිමේන්තු මන්ත්‍රීවරුන් ලෙස ඒ ඒ දිස්ත්‍රික් මැතිවරණ කොට්ඨාශවලින්  තේරී පත්වූ තැනැත්තන්ගේ නම් ප්‍රකාශයට පත් කරමින් මැතිවරණ කොමිෂන් සභාව මගින් අති විශේෂ ගැසට් නිවේදනයක් නිකුත් කර තිබේ .

1981 අංක 01 දරණ පාර්ලිමේන්තු මැතිවරණ පනතේ 62 වගන්තිය ප්‍රකාරව   දිවයිනේ දිස්ත්‍රික්    මැතිවරණ කොට්ඨාස 22 න් මෙලෙස පත්වු මන්ත්‍රීවරුන් 196 කගේ නම්   අදාළ දේශපාලන පක්ෂ යටතේ   සඳහන් කරමින්   නොවැම්බර් 15 දාතමින් අද සවස මෙම ගැසට්ටුව නිකුත්  කෙරිණි .
  
මෙයට අමතරව  ජාතික ලැයිස්තුවෙන්  තවත්  මන්ත්‍රීවරුන් 29 දෙනෙකු පත් කිරීමට නියමිතය.

ජේ. ඉඳුරුවගේ