ගෝඨාභයට සිංගප්පූරුවේ කිසිඳු වරප්‍රසාදයක් හෝ මුක්තියක් නෑ
හිටපු ජනාධිපති ගෝඨාභය රාජපක්ෂ මහතාට සිංගප්පූරුවේදී කිසිදු වරප්‍රසාදයක් හෝ මුක්තියක් ලබා නොදෙන බව සිංගප්පූරු විදේශ අමාත්‍යවරයා ඊයේ ප්‍රකාශ කළේය.
"සාමාන්‍යයෙන්, සිංගප්පූරු රජය හිටපු රාජ්‍ය නායකයින්ට හෝ රාජ්‍ය නායකයින්ට වරප්‍රසාද, මුක්තිය සහ ආගන්තුක සත්කාර ලබා නොදේ. ඒ නිසා හිටපු ජනාධිපති ගෝඨාභය රාජපක්ෂ මහතාට කිසිදු වරප්‍රසාදයක්, මුක්තියක් හෝ ආගන්තුක සත්කාරයක් ලබා දී නෑ" යැයි සිංගප්පූරු අමාත්‍ය විවියන් බාලක්‍රිෂ්ණන් පැවසීය.
සිංගප්පූරුව හරහා සංචාරය කරන සහ සංක්‍රමණය වන හිටපු රාජ්‍ය නායකයින්ට හෝ රජයේ ප්‍රධානීන්ට ලබා දෙන වරප්‍රසාද, මුක්තිය සහ ආගන්තුක සත්කාර පිළිබඳව කම්කරු පක්ෂයේ පාර්ලිමේන්තු මන්ත්‍රී ජෙරල්ඩ් ජියම් විසින් ගොනු කරන ලද පාර්ලිමේන්තු ප්‍රශ්නයකට පිළිතුරු දෙමින් විවියන් මේ බව පැවසීය.
පොදු සම්පත් භාවිත කර තිබේද යන්න සහ හිටපු ජනාධිපති ගෝඨාභය රාජපක්ෂ මහතාට සිංගප්පූරුවේදී වරප්‍රසාද, මුක්තිය සහ ආගන්තුක සත්කාර ලබා දුන්නේද යන්න පිළිබඳවද ගියම් විමසා සිටියේය.
ඔහුගේ ලිඛිත ප්‍රතිචාරයෙන් විවියන් පැහැදිලි කළේ රාජපක්ෂට "කිසිදු වරප්‍රසාදයක්, මුක්තියක් හෝ ආගන්තුක සත්කාරයක්" ලබා දී නොමැති බවයි.
ස්වදේශ කටයුතු අමාත්‍ය කේ. ශන්මුගම් පැවැසුවේ පැවසුවේ වලංගු සංචාරක ලියවිල්ලක් ඇති සහ ප්‍රවේශ අවශ්‍යතා සපුරාලන විදේශිකයන්ට සිංගප්පූරුවට පැමිණීමට අවසර දෙන බවයි.
“අපගේ ජාතික අවශ්‍යතා සඳහා යැයි අප තක්සේරු කරන්නේ නම් විදේශිකයෙකුට ඇතුළුවීම ප්‍රතික්ෂේප කිරීමේ අයිතිය ද අප සතුය,” ඔහු පැවැසීය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
