ගුරු අධ්‍යාපනඥ සේවා නිලධාරීන් 26 දා හා 27 දා අසනීප වෙයි
ගැටලු හතරක් මුල් කර ගනිමින් මේ මස 26 හා 27 යන දින දෙකෙහි අසනීප නිවාඩු වාර්තා කර සේවයෙන් ඉවත්ව සිටීමේ වෘත්තීය ක්‍රියා මාර්ගයක් සිදුකරන බව සමස්ත ලංකා ගුරු අධ්‍යාපනඥ සේවා නිලධාරීන්ගේ වෘත්තීය සංගමය සඳහන් කරයි.
මෙම වැඩ වර්ජනය විද්‍යාපීඨ විස්සෙහිද ගුරු විද්‍යාල අට හා ගුරු මධ්‍යස්ථාන එකසිය දොළහේද සිදුකරන බව එම සංගමය පෙන්වා දෙයි.
පසුගි මැයි 24 දින අග්‍රාමාත්‍යවරිය හමු වී ගුරු සේවාවේ නිලධාරීන් මුහුණ දෙන වැටුප් විෂමතාව ඇතුළු බරපතළ ගැටලු කිහිපයක් පිළිබඳ සාකච්ඡා කළ බවත් එහිදී එම ගැටලු සම්බන්ධයෙන් අවධානය යොමු කර සති දෙකක් තුළ නැවත සාකච්ඡාවක් පැවැත්වීමට කටයුතු කරන බවට අග්‍රාමාත්‍යවරිය පොරොන්දු වු බවත් සංගමය පෙන්වා දෙයි.
එහිදි සාකච්ඡා වූ නිර්බාධ උසස්වීම සම්බන්ධයෙන් රාජ්‍ය සේවා කොමිෂන් සභාව සමඟ සාකච්ඡා කිරීමට මේ මස .02 දින යොදා ගත්ත ද වෘත්තීය සංගම් නියෝජිතයන් අදාළ ස්ථානයට පැමිණි පසු සාකච්ඡාව කල් දැමු බවද පසු දිනයක එම සාකච්ඡා පැවැත්වුවත් එහිදී ලබා ගත් තීරණයක් පිළිබඳ සංගමය දැනුවත් නොකළ බවද සඳහන් කරයි.ෙ දිගින් දිගටම මෙම සේවාවේ ප්‍රශ්න විසඳීම පිළිබඳව මැදිහත් වීමට නිලධාරීන් දක්වන උදාසීනත්වය නිසා අදාළ ගැටලු මුල්කර ගනිමින් දෙදින වැඩ වර්ජනයක් සිදුකිරීමට තීරණය කළ බවද සංගමය පෙන්වා දෙයි.
මේ අනුව ගුරු අධ්‍යාපනඥ සේවයේ වැටුප් විෂමතාව විසඳීමට ක්‍රියා නොකිරීම,නිර්බාධ උසස්වීම් ක්‍රමය ලබා නොදීම,විෂමතාව විසඳන තෙක් අන්තර්කාලීන දීමනාවක් ලබා නොදීම සහ මේ වන විට ගුරු විශ්වවිද්‍යාලය සම්බන්ධයෙන් සකස් කර ඇති පනත් කෙටුම්පත පිළිබඳ ඉදිරි ක්‍රියාමාර්ග නොගැනීම යන ඉල්ලිම් මුල් කර ගනිමින් මෙම වෘත්තීය ක්‍රියා මර්ග සිදුකරන බවද සඳහන් කරයි.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
