ග්‍රෙගරි වැවේ වාන් දොරටුව විවෘත කරයි, බෝට්ටු පැදීම තාවකිලිකව නවත්වයි

නුවරඑළියට ඇදහැලෙන අධික වර්ෂාවත් සමග ග්‍රෙගරිවැවේ ජල මට්ටම සීඝ්‍රෙයන් ඉහළ යාම හේතුවෙන් ග්‍රෙගරිවැවේ වාන් දොරටුව (04) දින පස්වරුවේ විවෘත කල බව නුවරඑලිය ආපදා කළමණාකරන ඒකකය පැවසීය.

නුවරඑළිය ප්‍රදේශයේ පවතින දැඩි අයහපත් කාලගුණය සහ ඝන මීදුම හේතුවෙන්, නුවරඑළියේ ග්‍රෙගරි වැවේ බෝට්ටු පැදීම නුවරඑළිය මහ නගර සභාව විසින් ආරක්ෂක හේතුන් මත තාවකාලිකව තහනම් කර ඇත.

නුවරඑළිය-බදුල්ල ප්‍රධාන මාර්ගය, නුවරඑළිය-හැටන් ප්‍රධාන මාර්ගය සහ නුවරඑළිය-මහනුවර ප්‍රධාන මාර්ගය, ටොප්පස් සිට ලබුකැලේ ප්‍රදේශය දක්වා ඝණ මීදුම තත්වයක් පවතින බැවින්, එම මාර්ගවල වාහන ධාවනය කිරීමේදී ප්‍රවේශමෙන් රිය ධාවනය කරවන ලෙස පොලිසිය රියදුරන්ගෙන් ඉල්ලා සිටියි.