එජාපය කඩන්නේ මාධ්‍යය - රවි

එක්සත් ජාතික පක්ෂය තුළ බෙදීමක් ඇති කිරීමට උත්සාහ කරන්නේ මාධ්‍ය බව හිටපු අමාත්‍ය රවී කරුණානායක මහතා පැවැසීය. මහනුවරදී මාධ්‍ය වෙත ප්‍රකාශයක් කරමින් ඔහු මේ බව පැවැසීය.

"එක්සත් ජාතික පක්ෂයේ මේ ගැටලුව හංදියක් හංදියක් ගානේ කථා කරන්නේ නැතිව අපි මේ ප්‍රශ්නය විසඳනවා. වැඩිකල් යන්න කලින් ඒකේ සැබෑ උත්තරය ලැබේවි. එතකොට සැබෑ තත්ත්වය දකින්න පුළුවන්.

ප්‍රශ්නය විසඳලා ජනතාව තුළින් විජයග්‍රහණයක් ගන්න එක තමයි වැදගත්. පක්ෂය ඇතුලේ වෙන්නේ මොනවද කියලා දන්නේ නෑ. පොඩි නට් එකක් ශබ්ද කළාම ඒක තමයි එන්නේ. ලොකු මැෂිම වැඩ කරනවා. ඒක එන්නේ නෑ.

මේ භේද භින්න කරන්නේ නැතිව අපි එකට වැඩ කරන්න හදන්නේ. ඔබතුමාලා (මාධ්‍ය)  තමයි මේ කඩලා විනාශ කරන්න හදන්නේ. කයිවාරු ගහන්නේ නැතිව ආසන දින්නනම් මේ ප්‍රශ්න ඇති වන්නේ නෑ."