එක්සත් රාජධානියෙන් ලංකාවට විශාල වෙළඳ සහනයක්
එක්සත් රාජධානිය විසින් සංවර්ධනය වෙමින් පවතින රටවල් වෙත ලබාදෙන සංවර්ධනය වෙමින් පවතින රටවල් සඳහා වන වෙළඳ යෝජනා ක්‍රමය (DCTS) සඳහා ශ්‍රී ලංකාවද ඇතුළත් කිරීමට එක්සත් රාජධානිය තීරණය කර තිබේ.
මෙම ක්‍රමයට ලංකාව ඇතුළත් කිරීමත් සමග ශ්‍රී ලංකාවේ අපනයන නිෂ්පාදනවලින් 80% කට වඩා වැඩි ප්‍රමාණයක් සඳහා එක්සත් රාජධානියේ වෙළඳපොළට බදු හෝ ගාස්තු රහිතව මෙන්ම අඩු ගාස්තු යටතේ ප්‍රවේශ වීමට අවස්ථාව ලැබේ.
"එක්සත් රාජධානියේ නව සංවර්ධනය වෙමින් පවතින රටවල වෙළඳ යෝජනා ක්‍රමය (DCTS) යනු ලෝකයේ ඕනෑම රටකට වෙළඳාමේදී අත්වන ත්‍යාගශීලී කට්ටලයක් වන අතර ඒ හරහා ආර්ථිකය නංවාලීමට මෙන්ම රැකියා අවස්ථා වර්ධනයට සහාය වීමෙන් ශ්‍රී ලංකාවට ප්‍රතිලාභ ලැබෙනු ඇත," බ්‍රිතාන්‍ය මහ කොමසාරිස් සාරා හල්ටන් පැවසීය.
ඩීසීටීඑස් විසින් අතිරේක නිෂ්පාදන 150කට අධික ප්‍රමාණයක තීරුබදු ඉවත් කරන බවත්, ශ්‍රී ලංකාව එක්සත් රාජධානියට අපනයනය කිරීම සඳහා අමතර සහ සරල ප්‍රවේශයක් ලබා දෙන සෘතුමය තීරුබදු කිහිපයක් ද සරල කරන බවත් ඇය පැවසුවාය.
"එක්සත් රාජධානියේ ජීඑස්පී වෙනුවට නව යෝජනා ක්‍රමය 2023 දී බලාත්මක වන අතර එක්සත් රාජධානිය ශ්‍රී ලංකාව සමඟ අනාගත වෙළඳ අවස්ථා අපේක්ෂා කරයි," ඇය පැවසුවාය.
එක්සත් රාජධානියේ ජාත්‍යන්තර වෙළඳ දෙපාර්තමේන්තුවට අනුව නව වෙළඳ යෝජනා ක්‍රමය රටවල් 65කට අදාළ වෙයි.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
