උඩරට අර්තාපල් කිලෝවට රජයෙන් රු. 210 ක්

උඩරට අර්තාපල් ගොවීන්ගේ අස්වනු කුණු කොල්ලයට යෑම වැළැක්වීම සඳහා  එක් ගොවියකුගෙන් කිලෝ දෙදාහක්  බැගින් රජය  මිලදී ගන්නා බව වැවිලි කර්මාන්ත ඇමැති සමන්ත විද්‍යාරත්න මහතා  පැවසීය .

මේ දිනවල අර්තාපල් අස්වනු නෙළීම ආරම්භ කර ඇති අතර මිල පහල යාම හේතුවෙන්  ගොවි ජනතාව අසීරුවට පත් වී ඇති බවත් මේ නිසා  වෙළෙඳ ඇමති වසන්ත සමරසිංහ මහතා සමග සාකච්ඡා කර මෙම තීරණයට එළඹුණු බවත්  ඇමැති  සමන්ත  විද්‍යාරත්න  මහතා පැවසීය.

අතර  මැදියන්ගෙන් තොරව කිලෝවක්  රුපියල් 210 බැගින්  මිලදී  ගැනීමට රජය  තීරණය  කර තිබේ .මෙම  අර්තාපල්  අස්වැන්න  සතොස  සහ කාගිල්ස් ෆුඩ් සිටි  මගින්  රට පුරා අලෙවි කෙරේ.

 ප්‍රේමකීර්ති  රණතුංග