ඉරාන ප්‍රහාරය ට්‍රම්ප් යළිත් පස්සට ගනියි

ගල්ෆ් රාජ්‍යයන්ගේ ඉල්ලීම පරිදි අඟහරුවාදා ඉරානයට එල්ල කිරීමට නියමිතව තිබූ මිලිටරි ප්‍රහාරයක් " සාකච්ඡා සිදුවෙමින් පවතින" බැවින් එය නවතා දමන බව , ඇමරිකානු ජනාධිපති ඩොනල්ඩ් ට්‍රම්ප් පවසා තිබේ.

Truth Social හි සටහනක ඔහු කියා සිටියේ කටාර්, සෞදි අරාබිය සහ එක්සත් අරාබි එමීර් රාජ්‍යයේ නායකයින් විසින් කරන ලද ඉල්ලීමක් අනුව මෙම  පියවර ගත් බවයි.

එක්සත් ජනපදයට "ඉතා පිළිගත හැකි" ගිවිසුමක් ඇති කර ගන්නා බව තමාට දන්වා ඇති බවත්, "ඉරානය සඳහා න්‍යෂ්ටික අවි නැත!" යනුවෙන්  ඔහු පැවසීය.

නමුත් පිළිගත හැකි ගිවිසුමක් නොමැති නම්, "ක්ෂණික දැනුම්දීමකින් ඉරානයට එරෙහිව පූර්ණ, මහා පරිමාණ ප්‍රහාරයක් සමඟ ඉදිරියට යාමට" එක්සත් ජනපදය සූදානම් බව ඔහු අනතුරු ඇඟවීය.