ඉන්ධන වර්ග තුනක මිල පහළට

මිල සූත්‍රයට අනුව අද (30) මධ්‍යම රාත්‍රී ඉන්ධන වර්ග තුනක මිල සංශෝධනය කිරීමට ලංකා ඛනිජ තෙල් නීතිගත සංස්ථාව පියවර ගෙන තිබේ. ඒ අනුව ලංකා සුදු ඩීසල් ලීටරයක මිල රුපියල් 06කින් අඩුකර ඇති අතර එහි නව මිල රුපියල් 277කි. ඔක්ටේන් 95 පෙට්‍රල් ලීටරයක මිල රුපියල් 06කින් අඩුකර ඇති අතර එහි නව මිල රුපියල් 335ක් වෙයි. ලංකා භූමිතෙල් මිල ද රුපියල් 05කින් අඩුකර ඇති අතර එහි නව මිල රුපියල් 180කි. කෙසේ වෙතත් පෙට්‍රල් ඔක්ටේන් 92(රු. 299) සහ ලංකා සුපර් ඩීසල් මිල (313)නොවෙනස්ව පවතින බව ලංකා ඛනිජ තෙල් නීතිගත සංස්ථාව නිවේදනය කළේය.