ඉන්දීය ආධාර මත ඉදිවන නිවාස 10000 ප්‍රගතිය

ඉන්දියානු ආධාර මත ඉදිවන  නිවාස දසදහසේ ව්‍යාපෘතිය යටතේ  හැටන්,මහනුවර, නුවරඑළිය, සහ බදුල්ල යන දිස්ත්‍රික්කවල 2024 වර්ෂයේ අවසන් වනවිට   වැඩනිමකොට ඇත්තේ  නිවාස 05ක් පමණක් බවත්  තවත් නිවාස 459ක ඉදිකිරිම්  විවිධ අදියරයන්වල පැවති බව  ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක සදහන් වේ.

 එමෙන්ම  2024 වර්ෂයේ  නිවාස 200ක්  ඉදිකිරිම වෙනුවෙන්  රුපියල් මිලියන 3600ක ප්‍රතිපාදන වෙන්කොට තිබුණද  වර්ෂය අවසන්වනවිට මුල්‍ය ප්‍රගතිය  මිලියන 496.69ක් බවද විගණන වාර්තවේ සදහන් වේ. ප්‍රතිශතයක් වශයෙන් ගත්කළ සියයට 14කි. යටිතල පහුසකම් සංවර්ධනය කිරිම වෙනුවෙන්  රුපියල් මිලියන 300ක ප්‍රතිපාදන වෙන්කොට තිබුණද  2024 වර්ෂයේ අවසන්වනවිට ඉන් වියදම්කොට ඇත්තේ  රුපියල් මිලියන 65.40ක් හෙවත් සියයට  22ක් බවද  විගණනය මගින් අනාවරණය කොට ඇත.

 මේ සම්බන්දයෙන් ජල සම්පාදන හා  වතු යටිතල පහසුකම් සංවර්ධන  සංවර්ධන අමාත්‍යංශය  ප්‍රධාන ගණන්දිමේ නිලධාරිවරයා විසින් විගණනයට සදහන්කොට ඇත්තේ  ක්‍රියාත්මක කිරිමේ  ආයතන කැදවා  නිවාස ඉදිකිරිමට අවශ්‍ය සම්බන්දිකරණ කටයුතු සිදුකරණ බවය. මේ වනවිට මෙකි ව්‍යාපෘතිවල භෞතික ප්‍රගතිය සියයට 33ක් බවත්  ලංකා විදුලිබල මණ්ඩලයට  ව්‍යාපෘති 22කට  හයකෝටි ,හැටතුන්ලක්ෂ,අනුපන්දහස්හතරයි ශත තිස්පහක (66,395,004,35)  මුදලක් ගෙවිම් කොට ඇති බවද   ප්‍රධාන ගණන්දිමේ නිලධාරිවරයා විගණනයට සදහන් කොට ඇත.

 ව්‍යාපෘතිවලට නොපමාව  විදුලි සැපයුම ලබාදිමටත්  ඇස්තමේන්තු ලබාදි  නොමැති   ව්‍යාපෘති සදහා  ඇස්තමේන්තු ලබා ගැනිම සදහාත්  අදාළ පාර්ශවයන් දැනුවත් කර ඇති බවත් ව්‍යාපෘති 21ක් සදහා ඇස්තමේන්තු අනුමතකර ඇති බවද  ප්‍රධාන ගණන්දිමේ නිලධාරිවරයා විගණනයට සදහන් කොට ඇත.

 ජල සම්පාදන හා  වතු යටිතල පහසුකම් සංවර්ධන  සංවර්ධන අමාත්‍යංශය සම්බන්දයෙන් 2024 වර්ෂයට අදාළව නිකුත්කොට ඇති  වාර්ෂික විගණන වාර්තාවේ මෙම තොරතුරු ඇතුළත්ව ඇත.