ඇමෙරිකාව හා ඉරානය ගිවිසුමකට එන්න ආසන්නයි

එක්සත් ජනපදය සහ ඉරානය අතර සාකච්ඡා සඳහා මැදිහත් වන පාකිස්තාන අගමැති ෂෙබාස් ෂරීෆ් පවසන්නේ ඇමෙරිකාව හා ඉරානය අතර කවදාවත් නොමැති තරමේ දුරකට සාම ගිවිසුමකට සමීප වී ඇති බවයි."අපි කවදාවත් කවදාවත් නැති තරම් සාම ගිවිසුමකට සමීපයි" යනුවෙන් ඔහු එක්ස් සමාජ  මාධ්‍ය ගිණුමේ සටහනක් තබා තිබේ.

ගිවිසුම අවසන් කිරීම "ඉදිරි පැය 24 තුළ අපේක්ෂා කෙරේ" යනුවෙන් ඔහු තවදුරටත් පැවසීය. 

එක්සත් ජනපදය සමඟ සටන් කිරීම අවසන් කිරීමේ ගිවිසුමක් ආසන්න බව ඉරාන විදේශ අමාත්‍යවරයා මීට පෙර පැවසීය. ලෙබනනයේ ඊශ්‍රායලය සහ හිස්බුල්ලා අතර ගැටුම අවසන් කිරීම ද ගිවිසුම මගින් අපේක්ෂා කරන බව සෙයිඩ් අබ්බාස් අරග්චි ද පැවසීය.

මෙම ගිවිසුමට හෝමූස් සමුද්‍ර සන්ධිය නැවත විවෘත කිරීම ඇතුළත් බව අරග්චි පැවසූ අතර ඉරානයට එරෙහි එක්සත් ජනපද අවහිරය ඉවත් කිරීම ඇතුළත් බව රාජ්‍ය රූපවාහිනියට පැවසීය. කෙසේ වෙතත්, ඉරානයේ න්‍යෂ්ටික වැඩසටහන පිළිබඳ සාකච්ඡා පසුව ආරම්භ වන බව ඔහු පැවසීය.