පංජාබ් කණ්ඩායමට ලකුණු 26ක ජයක්

ඉන්දීය ප්‍රිමියර් ලීග තරගාවලිය යටතේ ගුජරාට් ලයන්ස් කණ්ඩායම හා කිංග්ස් ඉලවන් පංජාබ් කණ්ඩායම අතර ඊයේ (23දා) පැවැති තරගයෙන් ලකුණු 26ක ජයක් වාර්තා කිරීමට පංජාබ් කණ්ඩායම සමත්විය. තරගාවලියේ 26 වැනි තරගය ලෙසින් රාජ්කොට්හිදී මෙම තරගය පැවැතියේය.

මුලින්ම පන්දුවට පහරදුන් පංජාබ් කණ්ඩායම ලකුණු 188ක් රැස්කළේය. ආරම්භක පිතිකරු හෂීම් අම්ලා ලකුණු 65ක් රැස් කළේය.

ලකුණු 189ක ජයග්‍රාහී ඉලක්කයක් හඹා යෑමට පිටියට පිවිසි ගුජරාට් ලයන්ස් කණ්ඩායමට නියමිත පන්දුවාර 20 තුළදී කඩුලු 7ට රැස්කළ හැකිවූයේ ලකුණු 162ක් පමණි. දිනේෂ්  කාර්තික් නොදැවී ලකුණු 58ක් රැස්කිරීමට සමත්වූයේය. තරගයේ වීරයා ලෙස හෂීම් අම්ලා සම්මාන ලැබීය.