AB ගේ වෑයම අපතේ යයි

රෝයල් චැලෙන්ජර්ස් බැංගලොර් කණ්ඩායම පරාජය කරමින් කඩුලු 8ක පහසු ජයක් ලැබීමට කිංග්ස්  ඉලෙවන පංජාබ් කණ්ඩායම පෙරේදා (10දා) සමත්වූයේය. තරගයේ මුලින්ම පන්දුවට පහරදුන් රෝයල් චැලෙන්ජර්ස් බැංගලොර් කණ්ඩායම නියමිත පන්දුවාර 20 තුළදී කඩුලු 4ට ලකුනු 148ක් රැස්කළේය.

ප්‍රෙව්ගකාරී පිතිහරඹයක නිරත වූ ඒ.බී. ඩිවිලියර්ස් ලකුණු 89ක් රැස්කළේ පන්දු 46කිනි. හතරේ පහර තුනක් හා හයේ පහර 9ක් ඔහුගේ ඉනිමට ඇතුළත් විය. මන්දිප් සිං ලකුණු 28ක් රැස්කළේය.

ලකුණු  149ක ජයග්‍රාහී ඉලක්කයක් හඹාගිය පංජාබ් කණ්ඩායම පන්දුවාර 14.3කදී කඩුලු දෙකක් පමණක් දැවි ලකුණු 150ක් රැස්කරමින් තරගය ජයග්‍රහාණය කළේය. ඔවුහු පන්දුවාරයකට ලකුණු 10.34ක වේගයක් රඳවාගෙන ගියෝය. නායක මැක්ස්වෙල් පන්දු 22ට ලකුණු 43ක් රැස්කළේ හතරේ පහර තුනක් හා හයේ පහර 4කිනි. ඊට අමතරව මානන් වොහාරා හා හෂීම් අම්ලා වේගවත් පිතිහරඹයක නිරත වූහ. හෂීම් අම්ලා නොදැවී ලකුණු 58ක් රැස්කළේ පන්දු 38කිනි.