www.ada.lk
2024 අප්රේල් මස 27 වන සෙනසුරාදා
ශ්රී ලංකා යුද්ධ හමුදාවේ, විශේෂ බලකා පාඨමාලා අංක - 49 හැදෑරූ නිලධාරීන් 4 දෙනෙකු සහ සෙසු නිලයින් 315 දෙනෙකුගේ විසිරයාමේ උත්සවය ඉකුත් සෙනසුරාදා (22දා) උදෑසන මාදුරුඔය විශේෂ බලකා පුහුණු පාසලේ දී පැවැත්විණි.
මෙම විසිරයාමේ උත්සවයට විශේෂ බළකායේ රෙජිමේන්තු අධිපති මෙන්ම යුද්ධ හමුදාධිපති ලුතිනන් ජෙනරාල් මහේෂ් සේනානායක ගේ ආරාධනයකට අනුව ප්රධාන ආරාධිත අමුත්තා ලෙස ආරක්ෂක මාණ්ඩලික ප්රධානී අද්මිරාල් රවින්ද්ර සී. විජේගුණරත්න සහභාගි විය.
පුරා මාස නවයක් පැවැති ඉතා දුෂ්කර මෙම පුහුණු පාඨමාලාවට යුද උපක්රම, සතුරා පිටුපස ලුහුබැඳිම, රහසිගත කුඩා මෙහෙයුම් සිදුකිරීම, සතුරු කඳවුරු වෙත ඇතුළුවීම, දින ගණනක් කැලෑවල ජීවත්වීම ආදී අද්විතීය ලෙස නිර්මාණය කරන ලද පුහුණු ක්රමවේදයන් ඇතුළත් වේ.
ත්රස්තවාදීන් විසින් වඩාත්ම බියට පත්වන යුද්ධ හමුදාවේ විශේෂ බලකාය සහ කමාන්ඩෝ රෙජිමේන්තුව දිගු දුර මෙහෙයුම් (LRRP), නගරබද සටන්, ප්රාණ ඇපකරුවන් මුදාගැනීම සහ ත්රස්ත විරෝධී යුද උපක්රම, ප්රභූ ආරක්ෂාව මෙන්ම ගුවන් හා මුහුදු යාත්රා මෙහෙයුම් ආදී නිපුණතා වලින් සමන්විත වේ.
එල්.ටී.ටී.ඊ ත්රස්තවාදීන්ට එරෙහි පැවැති අවසන් මානුෂීය මෙහෙයුම්වලදී විශේෂ බලකා සෙබළුන් කුඩා කණ්ඩායම් වශයෙන් සතුරු භූමිය තුළට ඇතුළුවී කිලෝමීටර් 30 ත් 50 ත් අතර ඉලක්ක පවා ලබාගැනීමේ සුවිශේෂී හැකියාවක් තිබුණි. මේජර් ජෙනරාල් (විශ්රාමික) ගාමිණි හෙට්ටිආරච්චි වර්ෂ 1985 දී මෙම ඒකකය ඇති කිරීමට පුරෝගාමී කාර්යභාරයක් ඉටු කළේය.
popular news
කිලෝ ග්රෑම් 802ක මැණික් ගලට මිලක් තියා මිලදි ගන්න අවස්ථාව
පාසල් සිසුවිය හප්පා මරා දැමූ රියදුරු ජපානයට පැන යයි
විජයදාස රාජපක්ෂ ගැන පොහොට්ටුව තීරණයක් ගනියි
පොඩි මැණිකේ දුම්රියෙන් සංචාරිකාවක් ඇඳ වැටෙයි
චමරි අතපත්තු ලෝකයෙන්ම පළමු තැනට
ශ්රී ලන්කන් මිලදී ගන්න සමාගම් 6ක් කැමැත්තෙන්
LAWRENCE PERERA Wednesday, 26 June 2019 02:59 AM
කෝ කළුපටි ශිෂයෝ ???
Reply : 0 1
ඔබේ අදහස් එවන්න. ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
ඔබේ අදහස් එවන්න.
Reply To:
Eranda - cb chds hcdsh cdshcsdchdhd