වර්ජනය සාර්ථකයි - සුව සේවා සංගමය

- 10 09 2019 - 16:51 - {{hitsCtrl.values.hits}} views - ..

සෞඛ්‍ය සේවකයින්ට ඇති වී තිබෙන ගැටලු විසඳා ගැනීම සඳහා අද (10දා) සිදුකළ පැය හතරේ වැඩ වර්ජනය සාර්ථක වූ බව සමස්ත ලංකා සුව සේවා සංගමය සඳහන් කරයි.

එහෙත් දින 14ක් තුළ අදාළ ගැටලු විසඳීමට බලධාරීන් කටයුතු නොකළහොත් අඛණ්ඩ වෘත්තිය ක්‍රියාමාර්ග දියත් කරන බවද එම සංගමයේ සභාපති සමන්ත කොරළේ ආරච්චි මහතා සඳහන් කළේය.

වැටුප් ගැටලු උසස්වීම් ගැටලු නිල ඇඳුම් දීමනා ගැටලු ඇතුළුව ගැටලු හතරක් මුල් කර ගනිමින් පැය 24 වැඩ වර්ජනය සිදුකළ බවද අද (10දා) පැවැති මාධ්‍ය සාකච්ඡාවකදී සඳහන් කළේය.

වැඩ වර්ජනයට සමගාමීව ප්‍රධාන රෝහල් 30ක් ඉදිරිපිට විරෝධතා ව්‍යාපාර පැවැත්වූ බවද කියා සිටියේය.