පවතින වැසි තත්ත්වය නිසා මෑත ඉතිහාසයේ ඉහළම ජල විදුලි නිෂ්පාදනය මේ දිනවල වාර්තා කර තිබෙන අතර, විදුලි ඉල්ලුම ගිගාවොට් පැය දහයකින් අඩු වී තිබේ.
මේ වනවිට ජල විදුලි නිෂ්පාදනය 55%ක් දක්වා ඉහළ ගොස් තිබෙන අතර, ජල විදුලිය නිෂ්පාදනය කරන ජල මූලාශ්රවල ජල මට්ටම පොදුවේ 78% ඉක්මවා ගොස් ඇත.
මේ නිසා නඩත්තු කටයුතු සඳහා නොරොච්චෝලේ දෙවැනි අදියරේ විදුලි නිෂ්පාදන යන්ත්රයද නවතා දමා තිබේ.
පවතින වැසි තත්ත්වය නිසා කාසල්රී ජලාශයේ ජල මට්ටම 93.6%ක්, මාවුස්සාකැලේ ජලාශයේ ජල මට්ටම 95.2%ක්, කොත්මලේ ජලාශයේ ජලමට්ටම 86.1%ක්, වික්ටෝරියා ජලාශයේ ජල මට්ටම 74.7%ක්, රන්දෙණිගල ජලාශයේ ජල මට්ටම 17.4%ක් සහ සමනල වැවේ ජල මට්ටම 90.8%ක් දක්වා ඉහළ ගොස් ඇතැයි විදුලිබල මණ්ඩලයේ මාධ්ය ප්රකාශක සුලක්ෂණ ජයවර්ධන මහතා 'අද' කළ විමසීමකදී සඳහන් කළේය.
දෛනික විදුලි අවශ්යතාව ගිගාවොට් පැය හතළිස් අටේ සිට තිස්අට දක්වා පහළ ගොස් තිබෙන බවද ඒ මහතා පවසා සිටියේය.