ගණන් අමාරු පුංචි දරුවන්ට සුබ ආරංචියක්

ගණිත විෂය අප දරුවන්ට කෙතරම් අසීරු විෂයක් වී ඇත්ද යන්න ප්‍රධාන කඩයිම් විභාගයක් වන සාමාන්‍ය පෙළ විභාග ප්‍රතිඵලවලින් පෙන්නුම් කෙරේ. විශේෂයෙන් ගණිත විෂයට පෙනී සිටින සිසුන්ගෙන් 40% - 45%ත් අතර පිරිසක් ගණිතය විෂය අසමත්වන තත්ත්වයක් දැකගත හැකිය.

ගණිත හැකියාව ප්‍රගුණකර ගැනීමට ගුණන වගුව හෙවත් චක්කර දැනුම ඉතා වැදගත් වේ. නමුත් බොහෝ දරුවන් දස්කම් දක්වන්නේ 2, 3, 4 සහ 5 වරක් චක්කර මතකයේ තබාගැනීම කෙරෙහිය. එයටද අතේ ඇඟිලි හා ශරීරයේ අවයවවල සංඛ්‍යාවන් වැනි මනෝවිද්‍යානුකූල තත්ත්වය බලපාන බව මනෝවිද්‍යාඥවරු පවසති. දරුවන් 5 වරක් චක්කරයට ඉහළ ගුණන වගු මතකයේ රඳවා ගැනීමට මැලිකමක් දක්වන බැවින් ගුණන වගු මුද්‍රිත පොත් පිටකවර නිතර උපකාරයට ගැනීමට යොමුවන ආකාරයක් දැකගත හැකිය.

මේ හේතුවෙන් දරුවන්ට 6, 7, 8 හා 9 ආදී චක්කර පාඩම් නොකර සරල ගණිත ක්‍රමයක් හරහා ගණිත ගැටලු විසඳීමේ ක්‍රමයක් ගණිතකරුවෙකු වන හබරකඩ මිත්‍රරත්න විසින් හඳුන්වාදී තිබේ. විශ්වවිද්‍යාල කිහිපයක ජ්‍යෙෂ්ඨ කථිකාචාර්යවරුන් කිහිපදෙනෙකු වෙත මෙම ගණිත ක්‍රමය ඉදිරිපත් කළ පසු වාචික ඇගයීමකට ලක්වූ බව හෙතෙම පැවසීය.

මෙම සරල ගණිත ක්‍රමය භාෂා ත්‍රිත්වයෙන්ම මුද්‍රණය කර අත්පත්‍රිකාවක් මෙන් සිසුන්ට බෙදාදීම තම අභිප්‍රාය බවත්, ඒ සඳහා අනුග්‍රහය දැක්වීමට හැකි අයෙකු වොතොත් තමන්ට උපකාර කරන ලෙසත් මිත්‍රරත්න මහතා ඉල්ලා සිටියි.

මීට පෙර වර්ගමූලය ආසන්න දශමස්ථානයට සරල රේඛාවක් ඇදීමෙන් සෙවීමේ ක්‍රමයක් හා කෝණමාණය රහිතව 98%ක නිවැරදිතාවයෙන් යුතුව ඕනෑම කෝණයක් සමත්‍රිච්ඡේදනය කිරීමේ ක්‍රමයක්ද, වෘත්තයක පරිධිය, ජ්‍යාමිතික රේඛාවකට නිර්මාණය කිරීම හා පයිතගරස් ප්‍ර‘මේය සාධනය කිරීමට නව ක්‍රමයක්ද මිත්‍රරත්න මහතා විසින් ඉදිරිපත් කර තිබිණි.

චක්කරය අමතක සිසුන්ට ගණන් පහසු කරවන මෙම ක්‍රමය අනුව ගුණ කෙරෙන සංඛ්‍යා දෙකෙන් එකක් පහේ ‍ඓක්‍යයක් ලෙස ගෙන සාධනය කළ යුතුය. මේ සඳහා 2, 3, 4 හා 5 යන ගුණන වගු දැනුම අවශ්‍යය. එය මෙලෙස හඳුන්වාදෙමු.

ඔබට ගුණ කිරීමට දී ඇති ගැටලුව 8x7 යැයි සිතමු. එහි එක් සංඛ්‍යාවක් පහේ එකතුවක් ලෙස ගෙන (5+3) x 7 මෙලෙස සාධනය කරමු.

එහි මීළඟ පියවර 5 x 7 + 3 x 7 වේ. ඉන් පසු 35 +21 හි ‍ඓක්‍යය 56 ක් ලෙස සරලව ගැටලුව විසඳාගත හැකිය.

9 x 9 ලෙස වේ නම්,

= (5+4) 9

= 5 x 9 + 4 x 9

= 45 + 36

= 81

7 x 7 ලෙස වේ නම්,

= 7 (5+2)

= 7 x 5 + 7 x 2

= 35 + 14

= 49

එය දීර්ඝ සංඛ්‍යාවක් වේ නම්,

96 x 9

= 96 x (5+4)

= 480 + 384 ලෙස 96

පහෙන් හා හතරෙන් ගුණකර ලැබෙන අගයන් එකට එකතුකර 864 ලෙස දැක්විය හැකිය.

56 x 6

56 (5+1)

= 280 + 56

= 336

ලෙස ගුණ කළ හැකිය.

එසේම පහේ ඓක්‍යය ලෙස නොගෙන දහයේ අන්තරයක් ලෙස ගෙන ගුණනය කරන සරල ආකාරයක්ද ඔහු විසින් ඉදිරිපත් කර තිබේ. මේ සඳහා ළමුන් දහවරක් චක්කරය ප්‍රගුණකර තිබිය යුතුය. නිදසුන් ලෙස,

7 x 8

= (10-3) x 8

= 10 x 8 + 3 x 8

= 80 + 24

= 56

හා

6 x 6

= (10-4) x 6

= 10 x 6 + 4 x 6

= 60 – 24

= 36

ලෙස දැක්විය හැකිය. එසේම

11 x 8

= (10 + 1) x 8

= 10 X 8 + 1 x 8

= 80 + 8

= 88

15 x 7

= (10 + 5) x 7

= 10 x 7 + 5 x 7

= 70 + 35

= 105

ලෙසද සධානය කළ හැක.