ලොජිටෙක් වෙතින් නව වෙබ්කැම් උපාංගයක්

ඔබේ වෙබ්කැම් එක 4K ගුණාත්මක භාවයකින් වීඩියෝ දසුන් ග්‍රහණය කර ගැනීම සැබවින්ම ඔබට අවශ්‍ය විශේෂාංගයක්ද? බොහෝ දෙනෙකු මෙයට ප්‍රතිචාර දක්වනු ඇත්තේ කිසිසේත්ම නැත කියායි. මන්ද යත් බොහෝ දෙනෙකු වෙබ්කැම් එකකින් ගන්නා ප්‍රයෝජනය වන්නේ වීඩියෝ චැට් කිරීම වන අතර, ඒ සඳහා පැහැදිලිව දසුන් මවනා ආකාරයේ ප්‍රමාණවත් ගුණාත්මක භාවයක් ඇති වෙබ්කැම් උපාංගයක් ප්‍රමාණවත් වන බැවිනි. කෙසේ වුවත් වර්තමානයේදී බොහෝ තරු තමන්ගේ රසිකයින්/ප්‍රේක්ෂකයින්/ලෝලීන් වෙනුවෙන් සජීවී වීඩියෝ දර්ශන ලබාදීමට පෙළඹෙන බව දැකිය හැකිවේ. මෙවැනි අවස්ථාවක නම් අනිවාර්යයෙන්ම 4K ගුණාත්මක තත්වයේ වෙබ්කැම් උපාංගයක් තිබීම කිසිසේත්ම අපතේ නොයනු ඇත!

මෙම Logitech Brio 4K Pro වෙබ්කැම් උපාංගයේ හැකියාව වන්නේ 4K තත්වයේ වීඩියෝ දසුන් ග්‍රහණය කරගැනීම පමණක් නොවේ. එයට ඕනෑම අඩු ආලෝක තත්වයක් යටතේ ඉහළ ගුණාත්මක තත්වයක රූප ලබාගැනීමේ හැකියාව තහවුරු කරමින් පහසුකමද තිබේ. එසේම අංශක 65, 78 සහ 90 ලෙසින් දර්ශනපථ (field-of-view) තුනක් ඔස්සේ සීමා පැනවීමේ හැකියාවද ඊට ඇත. එයට අමතරව මෙහි 5X දක්වා සූම් කිරීමේ හැකියාවද තිබේ.