වනිඳුට අයිපීඑල් අහිමිවෙයි

ආබාධයකට ලක්ව සිටින ශ්‍රී ලංකා පා දඟ පන්දු යවන ක්‍රීඩක වනිඳු හසරංග වෙනුවට ආදේශකයක් නම් කරන ලක්නව්
සුපර් ජයන්ට් කණ්ඩායමේ ක්‍රිකට් අධ්‍යක්ෂ ටොම් මූඩි බ්‍රහස්පතින්දා පැවසීය. මූඩි පැවසුවේ "ඉදිරි පැය 24 සිට 48 දක්වා කාලය තුළ" වනි දු වෙනුවට ආදේශක ක්‍රීඩකයෙක් නම් කරන බවයි.

IPL සඳහා තවමත් ක්‍රීඩා කර නොමැති දකුණු අප්‍රිකානු වමත් දඟ පන්දු යවන ජෝර්ජ් ලින්ඩේ හසරංගගේ ආදේශකය ලෙස නම් කිරීමට ඉඩ ඇති බව වාර්තා වෙයි.

"ඔහු අප හා එක්වීමට නොහැකි වනු ඇති බවට අපි සූදානම් වෙමින් සිටිමු," බ්‍රහස්පතින්දා කොල්කටාහිදී කොල්කටා නයිට් රයිඩර්ස් (KKR) ට එරෙහිව LSG තරඟය අතරතුර මූඩි පැවසීය. 

පෙබරවාරි මාසයේ පැවති T20 ලෝක කුසලානයේ ශ්‍රී ලංකාවේ ආරම්භක තරගයේදී හසරංගගේ වම් කලවා මාංශ පේශිය කැඩී යාමෙන් පසුව ඔහු ක්‍රීඩා පිටියෙන් ඉවත් වී ඇත.ඒසේම හසරංග අනිවාර්ය යෝග්‍යතා පරීක්ෂණවලටද මේ දක්වා සහභාගී නොමැත.

LSG විසින් පසුගිය වෙන්දේසියේදී හසරංගව ඇමරිකානු ඩොලර් 222,000 කට මිලදී ගෙන තිබුණද,  ආබාධයක් හේතුවෙන් ඔහුට ඔවුන්ගේ සංචිතයට එක්වීමට නොහැකි විය. ඔහු පසුගිය වාරයේ රාජස්ථාන් රෝයල්ස් (RR) සමඟ සහ 2021 සිට 2023 දක්වා Royal Challengers Bengaluru (RCB) සමඟ සිටියේය.