ෆීජි හා රුමේනියාව ජය ලබයි

ෆිජි 47 - 15 උරුගුවේ

රග්බි ලෝක කුසලාන තරගාවලියේ 'ඒ' කාණ්ඩයේ ඊයේ (06දා) පැවැති තරගයකින් උරුගුවේ කණ්ඩායම පරාජය කර ලකුණු 47 - 15 ක් ලෙස පහසු ජයක් ලැබීමට ෆිජි කණ්ඩායම සමත්විය.

මෙම තරගයේ පළමු අර්ධය අවසන් වනවිටත් ලකුණු 26 - 10 ක් ලෙස ෆිජි ක්‍රීඩකයෝ ඉදිරියෙන් සිටියේය.

ජයග්‍රාහාහී ෆිජි කණ්ඩායමේ ලකුණු රැස්කිරීම තුල ගෝල දිනුම් 06ක් හා උත්සාහක දිනුමක් අන්තර්ගත වූ අතර, උරුගුවේ ක්‍රීඩකයන්ගේ ලකුණු රැස්කිරීම ගෝල දිනුමක්, උත්සාහක දිනුමක් හා දඩුවම් පහරකට සීමා විය.

රුමේනියා 17 - කැනඩාව 15

මෙම තරගාවලියේ තවත් තියුණු තරගයක් ඊයේ (06දා) 'බී' කාණ්ඩයේ පැවති අතර, එම තරගයෙන් කැනඩාව පරාජය කර ලකුණු 17 - 15 ක් ලෙස තියුණු ජයක් ලැබීමට රුමේනියාව සමත්විය.

මෙම තරගයේ පළමු අර්ධයද ඉතා තියුණු මුහුණුවරකින් අවසන් වූ අතර, එම අර්ධය අවසන් වනවිට ලකුණු 08 - 00 ක් ලෙස රුමේනියාව ඉදිරියෙන් සිටියේය.

ගෝල දිනුම් 02ක් හා දඩුවම් පහරක් සාර්ථක කරගනිමින් රුමේනියාව සිය ජයග්‍රහණය තහවුරු කරගත් අතර, ගෝල දිනුමක්, උත්සාහක දිනුමක් හා දඩුවම් පහරක් සාර්ථක කරගනිමින් කැනඩාව ලකුණු රැස්කළේය.