ස්ප්‍රිංග්බොක්ස් අර්ධ අවසන් පූර්ව වටයට

දකුණු අප්‍රිකාව 65 - 00 ඇමරිකාව

ලෝක කුසලාන රග්බි තරගාවලියේ ලන්ඩන්හි ඊයේ (07දා) පැවති බී කාණ්ඩයේ තරගයකින් ඇමරිකාව පරාජය කර ලකුණු 64 - 00 ක් ලෙස දැවැන්ත ජයක් ලැබීමට දකුණු අප්‍රිකාව (ස්ප්‍රිංග්බොක්ස්) සමත්විය.

මෙම ජයග්‍රහණයත් සමඟ දකුණු අප්‍රිකාවට අර්ධ අවසන් පූර්ව වටයට සුදුසුකම් ලබාගැනීමට හැකිවූ අතර, මෙවර තරගාවලියේ මෙම වටයට (අ.අ.පූ) සුදුසුකම් ලැබූ පළමු රට වන්නේද ඔවුන්ය.

එළිසබෙත් පාර්ක් ඔලිම්පික් ක්‍රීඩාංගණයේ පැවති මෙම තරගයේ පළමු අර්ධය අවසන් වනවිට දකුණු අප්‍රිකාව ලකුණු 14 - 00 ක් ලෙස ඉදිරියෙන් සිටියේය. ජයග්‍රාහී දකුණු අප්‍රිකානු ක්‍රීඩොකයෝ ගෝල දිනුම් 07ක් හා උත්සාහක දිනුම් 03 ක් සාර්ථක කරගැනීමට සමත්විය.

බී කාණ්ඩයේ දකුණු අප්‍රිකාව තරග හතරකට මුහුණුදුන් අතර, එහිදී ඔවුන් ජපානය හමුවේ අනපේක්‍ෂිත පරාජයකට මුහුණදීම හැරෙන්න ඊයේ (07දා) පැවති ඇමරිකාවට එරෙහි තරගය මෙන්ම මෙම කාණ්ඩයේ ස්කොට්ලන්තය හා සැමෝවා කණ්ඩායම් පහසුවෙන් පරාජය කළේය.