සංගාට ආසියානු සම්මානයක්

ක්‍රීඩාව සඳහා ශ්‍රී ලංකාවේ හිටපු එක්දින ක්‍රීඩක කුමාර් සංගක්කාර කළ මෙහෙය අගයමින් ඔහු ආසියානු සම්මාන උළෙලේදී සම්මානයට පාත්‍රවී තිබේ. ඊයේ (17දා) රාත්‍රියේදි එංගලන්තයේදී මෙම සම්මාන උළෙල පවත්වා තිබේ.

ඒ අනුව මෙම සම්මානයෙන් පිදුම් ලැබූ දෙවැනි ශ්‍රී ලංකා ක්‍රීඩකයා වන්නේ සංගායි. ඔහුට ප්‍රථම මුත්තයියා මුරලිදරන් මෙම සම්මානයෙන් පිදුම් ලැබීය.

ආසියානු සම්මාන උළෙලේදී ශාරුක් ඛාන්ද සම්මානයට පාත්‍රවිය. ජාත්‍යන්තර තලයේ දක්ෂතා දැක්වූ ආසියානු ප්‍රජාව ඇගයීමට මෙම සම්මාන උළෙල පවත්වයි. 2010 වසරේදී මෙම සම්මාන උළෙල ප්‍රථමවරට සංවිධානය කරනු ලැබිය.