ශ්‍රී ලංකාව අසීරු තත්ත්වයක

(Update)

තම දෙවැනි ඉනිම ක්‍රීඩා කරමින් සිටින ශ්‍රී ලංකා කණ්ඩායම තෙවැනි දිනයේ දිවා ආහාරය සඳහා මීට සුළු වේලාවකට පෙර තරගය නතර කරන විට පන්දුවාර 30 ක් අවසානයේ ලකුණු 108/5 ක් රැස්කරගෙන අසීරු තත්ත්වයක පසුවිය. ඒ අනුව ශ්‍රී ලංකා කණ්ඩායම ඉනිමක පරාජයෙන් බේරීම සඳහා කඩුලු 05ක් අතැතිව තවත් ලකුණු 84ක් පසුපසින් සිටියි.

මේ වනවිට නොදැවී කඩුල්ලේ රැඳී සිටින දිනේෂ් චන්දිමාල් ලකුණු 10 ක් හා උපනායක ළහිරු තිරිමාන්න ලකුණු 04ක් රැස්කරගෙන සිටියි.

සංගාගේ ගාල්ලේ ඉනිම අවසන් වෙයි

ශ්‍රී ලාංකේය ටෙස්ට් ක්‍රිකට් ඉතිහාසයේ අසහාය පිතිකරු කුමාර් සංගක්කාරගේ සිය ක්‍රිකට් දිවියේ ගාල්ලේ ක්‍රීඩාකළ අවසන් ඉනිම දැන් අවසන් විය.

රවිචන්ද්‍රන් අශ්වින්ගේ පන්දුවක් හමුවේ අනවශ්‍ය පහරක් එල්ලකිරීමට යාමෙන් ස්ලිප්හි පන්දු රකින අජින්කේ රහානේගේ විශිෂ්ට පන්දු රැකීම හමුවේ ලකුණු 40 රැස්කරගෙන සිටි සංගක්කාර දැවී ගියේය.

ශ්‍රී ලංකා කණ්ඩායම මේ වනවිට පන්දුවාර 25ක් අවසානයේ කඩුලු 04 ක් දැවී ලකුණු 92 ක් රැස්කරගෙන සිටින අතර, ඉනිමක පරාජයෙන් බේරීම සඳහා තවත් ලකුණු 100 පසුපසින් සිටියි.