සංගා ගැන මහේල කියන කතාව

ශ්‍රී ලංකාව එතෙක් මෙතෙක් බිහිකළ ලොව විශිෂ්ටතම පිතිකරුවා කුමාර සංගක්කාර බව ඉන්දීය පී.ටී.අයි. (PTI) වෙබ් අඩවිය හා සම්මුඛ වෙමින් හිටපු සුපිරි පිතිකරු මහේල ජයවර්ධන පවසා තිබේ.

බොහෝ පුද්ගලයන් ශ්‍රී ලංකාව බිහිකළ සුපිරි පිතිකරුවා අරවින්ද ද සිල්වා යැයි පැවසුවද අන්තර්ජාතික (ටෙස්ට්/ එක්දින/ විස්සයි20) ශතක 60 ක් සහ අන්තර්ජාතික ලකුණු විසිඅට දහසක් රැස් කිරීමෙන් සංගක්කාර තම විශිෂ්ටත්වය ඔප්පු කර ඇතැයි මහේල සඳහන් කර තිබේ.

එහිදී මහේල පවසා ඇත්තේ යම් පිතිකරුවෙකු ටෙස්ට්, එක්දින හා විස්සයි20 තරගවලින් සුපිරි දක්ෂතා ප්‍රකට කරන්නේ නම් ඔහු විශිෂ්ට ක්‍රීඩකයෙකු බවයි. සංගක්කාරගේ ටෙස්ට්, එක්දින හා විස්සයි20 තරග දක්ෂතා ඔහු ශ්‍රී ලංකාව මෙතෙක් බිහිකළ දක්ෂතම පිතිකරුවා බව ඔප්පු කිරීමට හොඳම උදාහරණය යැයි මහේල එහිදී වැඩිදුරටත් පවසා තිබේ.

එළැඹෙන ඉන්දීය ටෙස්ට් තරගාවලියේ දෙවැනි තරගයෙන් අනතුරුව සංගක්කාර ජාත්‍යන්තර ක්‍රිකට් පිටියට සමුදීමට නියමිතය.