සංගක්කාර ඩර්හැම් කණ්ඩායමට එක්වෙයි

ශ්‍රී ලංකා කණ්ඩායමේ සුපිරි පිතිකරු කුමාර් සංගක්කාර එංගලන්තයේ ඩර්හැම් ක්‍රීඩා සමාජයත් සමග එරට පළමු පෙළ තරග සඳහා ක්‍රීඩා කිරීමට තීරණය කර තිබෙන බව විදෙස් මාධ්‍ය සඳහන් කරයි. මේ අනුව එංගලන්ත පළමු පෙළ තරගාවලියේදී ඩර්හැම් කණ්ඩායම නියෝජනය කරමින් සංගක්කාර තරග දෙකකට හෝ තුනකට ක්‍රීඩා කරනු ඇති බවද විදෙස් මාධ්‍ය සඳහන් කළේය.

ශ්‍රී ලංකා කණ්ඩායමේ එළඹෙන එංගලන්ත සංචාරය තුළදී සංගක්කාර ඩර්හැම් කණ්ඩායමට ක්‍රීඩා කිරීමට නියමිත බව ‘ක්‍රික් ඉන්ෆෝ'වෙබ් අඩවිය මෙන්ම එංගලනත්යේ ‘ද ජර්නල්’ වෙබ් අඩවියද වාර්තා කළේය.

සංගක්කාර ඩර්හැම් කණ්ඩායමට ක්‍රීඩා කළහොත් ශ්‍රී ලංකා කණ්ඩායම හා අයර්ලන්ත කණ්ඩායම අතර මැයි 6 වැනිදා හා 8 වැනිදා පැවැත්වීමට නියමිත එක්දින තරග දෙක සඳහා ඔහු ක්‍රීඩා නොකරනු ඇති බවද විදෙස් මාධ්‍ය සඳහන් කරයි.