ෂෙහාන් අඹේපිටිය 400 ට සැරසෙයි

මීටර් 100 හා 200 ඉසව්වෙන් ජාත්‍යන්තර රන්පදක්කම් දිනූ ෂෙහාන් අඹේපිටිය මීටර් 400 ඉසව්ව සඳහා සහභාගි වීමට අපේක්ෂාවෙන් පුහුණුවීම්වල නිරත වේ.

සුනිල් ගුණවර්ධන මහතා යටතේ මීටර් 400 තරගය සඳහා පුහුණුවීම් ආරම්භ කර ඇති අඹේපිටිය එළැඹෙන ජනවාරි මස ඉන්දියාවේ පැවැත්වෙන සාෆ් තරගාවලියේදී මීටර් 400 රන් පදක්කම දිනාගැනීමට අපේක්ෂා කරයි.

එසේම මීටර් 400 ඉසව්වට අමතරව සහාය දිවීමේ ඉසව්වලට වැඩි නැඹුරුවක් දක්වමින් ඔහු පුහුණුවීම් සිදු කරන අතර, ශ්‍රී ලංකාවට පදක්කම් වැඩි ප්‍රමාණයක් දිනාදිය හැකි තරග කෙරෙහි මින් ඉදිරියට අවධානය යොමු කරන බව අඹේපිටිය අද ට පැවසීය.