ශා.ජෝශප් ඉතිහාසයේ පළමු වරට ජනාධිපති කුසලානයක අවසන් තරගයට

ඉතිහාසයේ පළමු වරට  අන්තර්පාසල් පිළිමළුන් පිටුදැකීමේ රග්බි තරගාවලියේ ජනාධිපති කුසලානයේ අවසන් තරගයට පිවිසීමට කොළඹ ශාන්ත ජෝශප් විදුහල සමත් විය.

ඒ තරගාවලියේ ඊයේ (17) පැවති පළමු අවසන් පූර්ව වටයේ තරගයෙන් මහනුවර ධර්මරාජ විදුහල පරදා ලකුණු 34-12 ක ජයක් හිමි කර ගනිමිනි.

කොළඹ සුගතදාස ක්‍රීඩාංගණයේදි පැවති තරගයේ පළමු අර්ධයේ පටන් ප්‍රතිවාදීන්ට දැඩි පීඩනයක් එල්ල කිරීමට ශා.ජෝශප් ක්‍රීඩකයෝ සමත් වූ අතර ඒ අනුව පළමු අර්ධය අවසන් වූයේ 16-05 ක් ලෙසින් ශා.ජෝශප් ක්‍රීඩකයින් ඉදිරියෙන් සිටිමිනි.

ජයග්‍රාහී ශා.ජෝශප් විදුහල ගෝල දිනුම් 2 ක් , උත්සාහක දිනුමක් හා දඩුවම් පහර 5 ක්  ආධාරයෙන් සිය ලකුණු රැස් කර ගනිද්දී ධර්මරාජ විදුහල ගෝල දිනුමක් හා උත්සාහක දිනුමක් මගින් සිය ලකුණු රැස් කළහ.

තරගාවලියේ දෙවැනි අවසන් පූර්ව තරගය අද (18) කොළඹ ඉසිපතන හා බම්බලපිටිය ශා.පීතර අතර පැවැත්වේ.

ඡායාරූප- ඕෂිත වරකපිටිය