ශ්‍රී ලංකාවට ආසියානු කුසලානයේ හතරවැනි තැන

ආසියානු කුසලාන සත් සාමාජික රග්බි තරගාවලියේ පළමු අදියර වන චීන තරගාවලියේ පිරිමි අංශයේ හතරවැනි ස්ථානය ශ්‍රී ලංකාවට හිමිවිය. එම තරගාවලියේ කුසලාන තෙවැනි ස්ථානය සඳහා ඊයේ (06දා) පැවැති තරගයෙන් දකුණු කොරියාව හමුවේ ලකුණු 24 - 07 ක් ලෙසින් ශ්‍රීලංකා කණ්ඩායම පරාජයට පත්වෙමිනි.

මේ අතර තරගාවලියේ කුසලාන ශූරතාව හිමි කරගැනීමට ප්‍රබල ජපානය සමත් විය. ඒ අවසන් තරගයේදී සත්කාරක චීනය ලකුණු 24-12 ක් ලෙසින් පරාජයට පත් කරමිනි.

මීට අමතරව මෙහි කාන්තා අංශයේ ශූරතාව චීනය ලකුණු 24-15 ක් ලෙසින් පරාජයට පත් කළ හොංකොං කණ්ඩායම හිමිවිය. එහිදී ශ්‍රී ලංකා කාන්තා කණ්ඩායමට හිමි වූයේ තරගාවලියේ අට වැනි හෙවත් අවසන් ස්ථානයයි.