ශ්‍රී ලංකාව සිම්බාබ්වේ කණ්ඩායමට පරදියි

එක්දින ලෝක කුසාලාත තරගාවලියට සමගාමීව ශ්‍රී ලංකා කණ්ඩායම හා සිම්බාබ්වේ කණ්ඩායම අතර අද (11දා) පැවැති පුහුණු තරගයෙන් සිම්බාබ්වේ කණ්ඩායම හමුවේ කඩුලු 7ක පරාජයක් ලැබීමට ශ්‍රී ලංකා කණ්ඩායමට සිදුවිය.

ඒ අනුව තරගාවලිය වෙනුවෙන් පැවැති පුහුණුතරග දෙකම ශ්‍රී ලංකා කණ්ඩායම පරාජයවිය. පළමු පුහුණු තරගයෙන් දකුණු අප්‍රිකාව හමුවේ පරාජයට පත්විය.

තරගයේ මුලින්ම පන්දුවට පහරදුන් ශ්‍රී ලංකා කණ්ඩායම නියමිත පන්දුවාර 50 අවසානයේදී කඩුලු 8ට ලකුණු 279ක් රැස්කරමින්, සිම්බාබ්වේ කණ්ඩායමට ලකුණු 280ක ඉලක්කයක් ලබාදුන්නේය.

එම ඉලක්කය කඩුලු තුනක් පමණක් වැයකර පසුකර යාමට සිම්බාබ්වේ කණ්ඩායම සමත්විය.

අගනා ඉනිමක් ක්‍රීඩාකළ හැමිල්ටන් මැසකඩ්සා නොදැවී ලකුණු 117 රැස්කළේය.