ශ්‍රී ලංකාව පළමු ජය ලබයි

ලෝක කුසලාන ක්‍රිකට් තරගාවලියේ ශ්‍රී ලංකා කණ්ඩායම ලබාගත් පළමු ජය ඇෆ්ගනිස්තාන කණ්ඩායමට එරෙහිව වාර්තා කිරීමට ශ්‍රී ලංකා කණ්ඩායම අද (22දා) සමත්වුණා.

ලකුණු 233 ක ජයග්‍රාහී ඉලක්කයක් හඹායාම සඳහා පිටියට පිවිසි ශ්‍රී ලංකා කණ්ඩායම පන්දුවාර 48.2කදී කඩුලු 6ක් පමණක් වැයකර එම ඉලක්කය පසුකර යාමට සමත්වුණා.

කෙසේ වෙතත් ශ්‍රී ලංකා කණ්ඩායමට දැඩි අභියෝගයක් ඇෆ්ගනිස්තාන කණ්ඩායම එල්ල කළා.

ශ්‍රී ලංකා කණ්ඩායමේ පළමු කඩුලු 4 ලකුණු 51ක් තුළදී දැවී ගියත්, නායක ඇන්ජලෝ මැතිව්ස් සමග එක්වූ මහේල ජයවර්ධන ශතකයක් වාර්තා කරමින් ශ්‍රී ලංකා ඉනිම ශක්තිමත් කළා.

හත්වැනි කඩුල්ල ලෙස පිටියට පිවිසි තිසර පෙරේරා වේගවත් ලකුණු 47ක් රැස්කරමින් ශ්‍රී ලංකා කණ්ඩායම ජයග්‍රහණය කරා රැගෙන ගියා.