ශ්‍රී ලංකාව කඩුලු තුනට 153

බංග්ලාදේශයේ පැවැත්වෙන තුන්කොන් එක්දින තරගාවලියේ ශ්‍රී ලංකා කණ්ඩායම හා බංග්ලාදේශ කණ්ඩායම අතර පැවැත්වෙන අවසන් මහ තරගයේ පළමුවෙන් පන්දුවට පහරදෙමින් සිටින ශ්‍රී ලංකා කණ්ඩායම පන්දුවාර 34කදී කඩුල 3කට ලකුණු 153ක් රැස්කරගෙන සිටියි.

නොදැවී ක්‍රිඩා කරන නායක චන්දිමාල් ලකුණු 21ක් රැස්කරගෙන ඇති අතර ආරම්භක පිතිකරු උපුල් තරංග ලකුණු 54ක් රැස්කරගෙන සිටියි. 

ධනුෂ්ක ගුණතිලක (6), කුසල් මෙන්ඩිස් (28), නිරෝෂන් දික්වැල්ල (42) දැවී ගිය පිතිකරුවෝ වෙති.

මෙම තරගයේදී ශ්‍රී ලංකාව වෙනුවෙන් එක්දින වරම් හිමිකර ගැනීමට 22 හැවැරිදි ශෙහාන මධුශංක සමත්විය. ඔහු දකුණතින් වේග පන්දු යවන්නෙකි.