ශ්‍රී ලංකා දැල්පන්දුවට අවසන් ස්ථානය

අසල්වැසි නවසීලන්ත කණ්ඩායම ගෝල 58 – 55 ක් ලෙස පරාජය කර 14 වැනි දැල්පන්දු ලෝක කුසලාන තරගාවලියේ ශූරතාව දිනාගැනීමට සත්කාරක ඔස්ට්‍රේලියානු කණ්ඩායම අද (16දා) සමත්විය. ඔවුන් මෙම ශූරතාව දිනාගත් 11 වැනි අවස්ථාව මෙය වන අතර, අඛණ්ඩව දිනාගත් තෙවැනි අවස්ථාව මෙය වෙයි.

මෙහි තෙවැනි ස්ථානය සඳහා අද (16දා) පැවැති තරගයෙන් ජැමෙයිකාව ගෝල 66 – 44 ක් ලෙස පරාජය කිරීමට එංගලන්තය සමත්විය.

කෙසේ නමුත් කණ්ඩායම් 16 ක සහභාගීත්වයෙන් පැවැති  මෙම තරගාවලිය නියෝජනය කළ ශ්‍රී ලංකා කණ්ඩායමට එහි අවසන් ස්ථානයෙන් සෑහීමට පත්වන්නට විය. 15 හා 16 වැනි ස්ථාන වෙනුවෙන් අද (16දා) පැවැති තරගයෙන් සිංගප්පූරුව හමුවේ ගෝල 59 – 32 ක් ලෙස පරාජයවීමට ශ්‍රී ලංකාවට සිදුවිය.

ශ්‍රී ලංකා - සිංගප්පූරු තරගය

ඔස්ට්‍රේලියා - නවසීලන්ත තරගය