ශ්‍රී ලංකා දැල්පන්දු ෆීජියට පරදියි

ඔස්ට්‍රේලියාවේ සිඩ්නි නුවර මේ දිනවල පැවැත්වෙන දැල්පන්දු ලෝක කුසලාන තරගාවලියේ ශ්‍රී ලංකා කණ්ඩායම අද (11දා) මුහුණදුන් තරගයෙන් ෆීජි කණ්ඩායම හමුවේ ගෝල 77 – 31 ක් ලෙස පරාජයවීමට සිදුවිය.

කුසලාන ශූරතා වටයට සුදුසුකම් නොලබා සිටි ශ්‍රී ලංකාව හා ෆීජි කණ්ඩායම් තරගාවලියේ සෙසු ස්ථාන වෙනුවෙන් තරග වැදුණි. ඔස්ට්‍රේලියානු වේලාවෙන් ප.ව. 2.20  (ශ්‍රී ලංකා - පෙ.ව. 9.50) මෙම තරගය ආරම්භ විය.

මෙහි පළමු වටය 19 – 07 ක් ලෙස පරාජය වූ ශ්‍රී ලංකාව දෙවැනි හා තෙවැනි වට 16 – 08 හා 19 – 08 ක් පරාජය විය. අවසන් වටයේද සැලකිය යුතු දක්‍ෂතාවක් ඉදිරිපත්කිරීමට නොහැකිවූ ශ්‍රී ලංකාව එම වටය 23 – 08 ක් ලෙස පරාජය විය.

මෙම තරගයට සහභාගීවන විට ශ්‍රී ලංකාව ලෝක ශ්‍රේණිගතකිරීම්හි 22 වැනි ස්ථානයේ පසුවූ අතර, ෆීජි එහි 07 වැනි ස්ථානයේ පසුවිය.