ශ්‍රී ලංකා තරගාවලියෙන් වැඩක් වුණේ නෑ - හර්බජන්

සිය දකුණු අප්‍රිකා සංචාරයට පෙරාතුව පැවැත්වූ ශ්‍රී ලංකා තරගාවලියේදී ඉන්දියාවට කිසිදු වාසියක් අත් නොවූ බව ඉන්දීය ජ්‍යෙෂ්ඨ දඟ පන්දු යවන ක්‍රීඩක හර්බජන් සිං පවසයි.

දකුණු අප්‍රිකාවේදී ඉන්දීය කණ්ඩායම අසාර්ථකත්වයක් පෙන්නුම් කරන අතර ඒ පිළිබඳව අදහස් දක්වමින් හර්බජන් ඉහත අදහස් දක්වා තිබේ.

“ බලන්න මම හිතන්නේ නෑ ශ්‍රී ලංකා සංචාරයෙන් අපිට වාසියක් ලබා ගැනීමට අවස්ථාව  ලැබුණා කියලා. ක්‍රීඩකයන් කිහිප දෙනෙකුට කලින් දකුණු අප්‍රිකාවට යන්න තිබුණා. එසේ නොමැතිවූවා නම් ධර්ම්ශාලා සූදානම් වීමට හොඳ ස්ථානයක් ” යැයි ඔහු සඳහන් කළේය.

ටෙස්ට් තරගාවලිය 2-0ක් ලෙස ඉන්දියාව මේ වනවිටත් පරාජයට පත්ව ඇත.