ශ්‍රී ලංකා 'ඒ' කණ්ඩායමට කඩුලු අටක ජයක්

පාකිස්තානු  'ඒ' කණ්ඩායම පරාජය කර මාතර උයන්වත්ත ක්‍රීඩාංගණයේ අද  (26දා) පැවැති පළමු නිල නොවන එක්දින තරගයෙන් කඩුලු 08ක පහසු ජයක් ලැබීමට ශ්‍රී ලංකා  'ඒ' කණ්ඩායම සමත්විය.

පාකිස්තානු කණ්ඩායමෙන් එල්ල වූ ලකුණු 204 ක ඉලක්කය වෙනුවෙන් පිළිතුරු ඉනිම ක්‍රීඩාකළ ශ්‍රී ලංකා පිතිකරුවෝ තරගයේ 32.2 වැනි පන්දුවාරයේදී එම ඉලක්කය පසුකර යාමට සමත්වූහ. ශතක ඉනිමක් ගොඩනගා ශ්‍රී ලංකා ඉනිම ජයග්‍රහණය කරා රැගෙන ගිය කුසල් ජනිත් නොදැවුණු ක්‍රීඩකයෙකු ලෙස පිටියෙන් ඉවත්ව යනවිට ලකුණු 114 ක් රැස්කරගෙන සිටියේය. ඔහුට අමතරව නායක අශාන් ප්‍රියන්ජන් නොදැවී ලකුණු 57 ක් රැස්කිරීමට සමත්විය.

කාසියේ වාසිය දිනා පළමුව පන්දුවට පහරදුන් පාකිස්තානු කණ්ඩායමට පන්දුවාර 48.1 අවසානයේ සියල්ලන් දැවී රැස්කිරීමට හැකිවූයේ ලකුණු 203 ක් පමණි. එම ඉනිමේ ඉහළම ඉනිම ගොඩනැගූ නායක ෆාවඩ් අලාම් ලකුණු 58 ක් රැස්කිරීමට සමත්විය.

ක්‍රික්ඉන්ෆෝ ලකුණු පුවරුව

පාකිස්තාන ඉනිම / ශ්‍රී ලංකාව පන්දු යැවීම

ශ්‍රී ලංකා ඉනිම / පාකිස්තානය පන්දු යැවීම

ඡායාරූප - ශ්‍රී ලංකා ක්‍රිකට්