වොට්සන් ටෙස්ට් පිටියට සමුදෙයි

ඔස්ට්‍රේලියානු කණ්ඩායමේ තුන් ඉරියව් ක්‍රීඩක ෂේන් වොට්සන් ටෙස්ට් පිටියෙන් සමුගැනීමට තීරණය කර ඇත.

මේ බව අද (06දා) සවස ඔස්ට්‍රේලියානු ක්‍රිකට් කවුන්සිලය සිය ට්විටර් ගිණුමේ දක්වමින් පවසා ඇත්තේ, වොට්සන්ගේ සමුගැනීම වහාම ක්‍රියාත්මක වන පරිදි සිදුවන බවයි.

34 හැවිරිදි වොට්සන් 2005 වර්ෂයේදී පාකිස්තානයට එරෙහිව ටෙස්ට් වරම් දිනා ගන්නා අතර, මේ දක්වා ඔහු ටෙස්ට් තරග 59 කදී  ඔස්ට්‍රේලියාව නියෝජනය කර ඇත. එහිදී 35.19 ක සාමාන්‍යයක් සහිතව ලකුණු 3731 ක් රැස් කිරීමටද, එමෙන්ම එහිදී කඩුලු 75 ක් බිඳ හෙළීමටද ඔහු සමත්වී ඇත.

කෙසේ වෙතත් ආබාධයන් හේතුවෙන් වොට්සන්ට නිමා වූ අළු බඳුන තරගාවලියටද සහභාගි විය නොහැකි විය.