විම්බල්ඩන් ශූරියට පිහි ඇනුමක්

චෙක් රාජ්‍යයේ සුපිරි ටෙනිස් ක්‍රීඩිකා පෙට්‍රා ක්විටෝවා නාඳුනන පුද්ගලයෙකුගේ පිහි ඇනුමකට ඇයගේ නිවසේදී ලක්ව තිබෙන බව විදෙස් මාධ්‍ය වාර්තා කරයි. මේ බව ඇයගේ ප්‍රකාශකයා විසින්ද තහවුරු කර තිබේ.

ඇයගෙ නිවසට ඇතුළු වූ කොල්ලකරුවෙක් මෙසේ ඇයට පිහියකින් ඇන ඇති බවත් එයින් ඇයගේ වම් අත තුවාල වී ඇති බවත් විදෙස් මාධ්‍ය වාර්තා කරයි. කෙසේ වෙතත් එයින් ඇයගේ ජීවිතයට හානියක් වී නොමැත.

පෙට්‍රා ක්විටෝවා අවස්ථා දෙකකදී විම්බල්ඩන් ටෙනිස් තරගාවලියේ කේවළ කාන්තා ශූරතාව හිමිකරගෙන තිබේ.