වසර 21ක ඉන්දීය අභිමානය ගිලිහෙයි

සත්කාරක ඉන්දීය කණ්ඩායම පරාජය කර මුම්බායිහි ඊයේ (25දා) පැවැති පස්වැනි හා අවසන් එක්දින තරගයෙන් ලකුණු 214ක දැවැන්ත ජයක් ලැබීමට සංචාරක දකුණු අප්‍රිකානු කණ්ඩායම සමත්විය. ඒ අනුව තරග 3 – 2 ක් ලෙස තරගාවලිය ජයගැනීමට දකුණු අප්‍රිකානු කණ්ඩායමට හැකිවිය.

වන්කඩේ ක්‍රීඩාංගණයේ පැවැති මෙම තරගයේ කාසියේ වාසිය දිනා පළමුව පන්දුවට පහරදුන් දකුණු අප්‍රිකානු කණ්ඩායම පන්දුවාර 50 අවසානයේදී කඩුලු 04 ක් පමණක් දැවී ලකුණු 438 ක් රැස්කිරීමට සමත්වූ අතර, පිළිතුරු ඉනිම ක්‍රීඩාකළ ඉන්දීය කණ්ඩායමට පන්දුවාර 36 ක් අවසානයේ සියල්ලන් දැවී රැස්කිරීමට හැකිවූයේ ලකුණු 224 ක් පමණි. තරගයේ වීරයා ලෙස කුයින්ටන් ඩි කොක් සම්මාන හිමිකරගත් අතර, තරගාවලියේ වීරයා ලෙස ඒ.බී. ඩිවිලියර්ස් සම්මාන දිනාගත්තේය.