ලංකාවට එන්න පෙර දකුණු අප්‍රිකාව ඉන්දියාවේදී පුහුණුවක

ශ්‍රී ලංකා කණ්ඩායම හා දකුණු අප්‍රිකා කණ්ඩායම අතර ශ්‍රී ලංකාවේ පැවැත්වීමට නියමිත ක්‍රිකට් තරගාවලියට පෙරාතුව දකුණු අප්‍රිකා කණ්ඩායම ඉන්දියාවේ පුහුණු සැසියක් ආරම්භ කර තිබේ.

ඉන්දියාවේ මුම්බායි නුවරදී ඔවුන් මෙම පුහුණුව ආරම්භ කර ඇත.  සතියක කාලයක් පුරා පැවැත්වෙන පුහුණු සැසියට දකුණු අප්‍රිකානු පළමු පෙළ ක්‍රීඩකයන්, ටෙස්ට් සංචිතයෙන් ක්‍රීඩකයන් ඇතුළත් බව විදෙස් වාර්තා පෙන්වා දෙයි.

ටෙම්බා බවුමා, කේෂාව් මහරාජ්, ඩෑන් පිඩ්ට් යන ක්‍රිඩකයන් මෙම සැසියට එක්ව ඇති අතර දකුණු අප්‍රිකානු පුහුණුකරු රසෙල් ඩොමිනොගෝ, පිතිකරණ පුහුණුකරු නීල් මැකෙන්සි යන අයද මෙම සැසියට එක්ව තිබේ.

දකුණු අප්‍රිකා කණ්ඩායම ටෙස්ට් තරග දෙකක්, එක්දින තරග පහක් හා විස්සයි20 තරගයකට ශ්‍රී ලංකාවේදි  මුහුණදී මට නියමිතය.