රොනාල්ඩෝගෙන් ගෝල ත්‍රිත්වයක්

රුසියාවේ පැවැත්වෙන පාපන්දු ලෝක කුසලාන තරගාවලියේ පළමු වටයේ බොහෝ දෙනෙකුගේ අවධානය දිනාගත් තරගයක් බවට පත්ව තිබූ ස්පාඤ්ඤ කණ්ඩායම හා පෘතුගාල කණ්ඩායම අතර පැවැති තරගය ගෝල 3-3ක් ලෙස ජය පරාජයෙන් තොරව අවසන්විය.

මෙවර තරගාවලියේ වැඩි අවධානයක් දිනාගෙන සිටින ක්‍රීඩකයන් අතර ඉදිරියෙන්ම පසුවෙන පෘතුගාල කණ්ඩායමේ ක්‍රිස්ටියානෝ රොනාල්ඩෝ පෘතුගාලය වෙනුවෙන් ගෝල තුනම වාර්තා කළේය.

තරගයේ පළමු අර්ධය නිමාවන විට පෘතුගාලය ගෝල 2-1ක් ලෙස ඉදිරියෙන් පසුවිය. රොනාල්ඩෝ ගෝල දෙකක් වාර්තා කළ අතර ස්පාඤ්ඤය වෙනුවෙන් ඩියාගේ කොස්ටා ගෝලය වාර්තා කළේය.

දෙවැනි  අර්ධයේදී ස්පාඤ්ඤය ගෝල දෙකක් වාර්තා කළත් පෘතුගාලය වාර්තා කළේ එක් ගෝලයකි. පෘතුගාලයේ ගෝලය රොනාල්ඩෝ වාර්තා කරන විට ස්පාඤ්ඤය වෙනුවෙන් ඩියාගේ කොස්ටා හා නාචෝ ගෝලය වාර්තා කළේය.