මිස්බා විශ්‍රාම ගැනීමට තීරණය කරයි

දැනට ටෙස්ට් ක්‍රීඩා කරන කණ්ඩායම්වල වයස් ගත ක්‍රීඩකයා වන පාකිස්තානයේ  මිස්බා උල් හක් ටෙස්ට් ක්‍රිකට් තරගවලින් විශ්‍රාම ගැනීමට තීරණය කර ඇත. වයස අවුරුදු 42 ක් වන මිස්බා, බටහිර ඉන්දීය කොදෙව් කණ්ඩායමට එරෙහිව පැවැත්වීමට නියමිත ටෙස්ට් තරගාවලියෙන් පසුව විශ්‍රාම ගැනීමට නියමිතය.

ඔහු 2015 වසරේදී එක්දින හා 20-20 ක්‍රිකට් තරගවලින් සමුගත්තේය. බටහිර ඉන්දීය කොදෙව් කණ්ඩායම තරග තුනකින් සමන්විත ටෙස්ට් තරගාවලියෙහි පළමු තරගය අප්‍රේල් 21 ආරම්භ වේ.

ටෙස්ට් තරග 72 කදී ලකුණු 4951 ක් ලබා සිටින මිස්බාගේ සාමාන්‍ය 45.84 ක් වේ. ශතක 10 ක් හා අර්ධ ශතක 36 ක් ඔහු සිය ටෙස්ට් දිවිය තුළදී රැස්කරගෙන තිබේ. මිස්බා වාර්තා කර ඇති වැඩිම ලකුණු සංඛ්‍යාව 161 ක් වන අතර, එය 2007 වර්ෂයේදී ඉන්දීය කණ්ඩායමට එරෙහිවය. 

සුරංග නිරෝෂන