මැතිව්ස් ආපු පළමු තරගය පරාදයි

ඉන්දීය ප්‍රිමියර් ලීග තරගාවලිය යටතේ දිල්ලි ඩෙයාඩෙවිල්ස් කණ්ඩායම හා කොල්කටා නයිට් රයිඩර්ස් කණ්ඩායම අතර දිල්ලි ෆේරොස් ෂා කොට්ලා පිටියේ පැවැති තරගයෙන් කොල්කටා කණ්ඩායම කඩුලු හතරක ජයක් ලැබිය.

තරගයේ මුලින්ම පන්දුවට පහරදුන් දිල්ලි කණ්ඩායම නියමිත පන්දුවාර 20 තුළදී කඩුලු 8ට ලකුණු 168ක් රැස්කළේය. අබාධයෙන් සුවවීමෙන් පසුව මැතිව්ස් මෙම තරගයට ක්‍රීඩා කළ අතර දිල්ලි කණ්ඩායම වෙනුවෙන් ඔහුට පන්දු 4කදි රැස්කළ හැකිවූයේ එක් ලකුණක් පමණි.

ලකුණු 169ක ජයග්‍රාහී ඉලක්කයක් හඹා ගිය කොල්කටා කණ්ඩායම තරගයේ අවසන් පන්දුවාරයේදි එම ඉලක්කය පසුකර ගියේ කඩුලු හයක් පමණක් වැය කරමිනි. ලකුණු 21ක කඩුලු තුනක් බිඳවැටී තිබූ කොල්කටා ඉනිම සිවුවැනි කඩුල්ල සඳහා ලකුණු 110ක සබඳතාවක් ගොඩනගමින් ගොඩ ගැනීමට යූෂෆ් පතාන් හා මනීෂ් පාණ්ඩේ සමත්වූයේය.මෙහිදී පන්දුවාර 2ක් යොමුකළ ඇන්ජලෝ මැතිව්ස් ප්‍රතිවාදීන්ට ලබාදුන්නේ ලකුණු 15ක් පමණි.